منتدى محطة معرفة أدر

تفضل بالدخول .............. أو سجل معنا ......
 
الرئيسيةس .و .جبحـثالتسجيلدخول

شاطر | 
 

 نصائح عند ركوب باص مواصلات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Njoud
عضو نشيط
avatar

المساهمات : 35
تاريخ التسجيل : 18/08/2008

مُساهمةموضوع: نصائح عند ركوب باص مواصلات   السبت أغسطس 23, 2008 5:33 am



كتير منا بعرف باص المواصلات، هاد الصغير اللي بكون مكتوب عليه (عمّان-الجاردنز)، أو (البقعة-دوار عبدون)، سويلح سويلح سويلح، بس الأكتر همه اللي كان إلهم تاريخ عريق مع هاي الباصات بس بحكيلك: (عمري ما ركبته). ركبته ولا عنَّك ما ركبته، خليني احكيلك شوية نصائح قبل ما تركبه:


حاول إنو يكون معك قد مقدار الأجرة بالزبط، لإنو لو كان معك أقل، رح تاكل كف، ولو ما كان معك “فراطة”، قدامك خيارين، يا تاكل كف يا تسامحه بالباقي، انا لو مكانك بسامحه وبسامح أبوه كمان، أما لو كنتي بنت، فش داعي يكون معك فلوس أصلاً.


اذا ركبت الباص وما لقيت مكان فاضي إلا جمب أبو شفرة، انزل من الباص بسرعة وخد تكسي اشرفلك. (لمعرفة ابو شفرة راجع موسوعة الجويدة للمجرمين والناس اللي بِخَوفوا).


خليك هااادي طول ما انتا في الباص، واوعى تتقاتل مع كنترول الباص لو شو ما كان السبب، لإنو لو صار هيك، اعرف انك رح تخسر اعز الاشياء بحياتك، الكنترول رح يضرب، وكل اللي في الباص رح يضربوا، أما الأخ سايق الباص، رح يدعس بريك ويوقف الباص وييجي عليك وينزل فيك خبط بعصايته الحديد اللي ما بتفارقه وين ما يروح تحسُّباً لأي طارئ.


اذا وانتا في الباص اجت بنت، وما لقت مكان تقعد فيه، يا بتقوم تقعدها محلك يا ما بتقوم، في الحالة الأولى رح تصير محط أنظار الجميع، وأبو شفرة واحد منهم، وبما إنو ابو شفرة واحد منهم، فما بنصحك إنك تكون بهيك موقف، أما في الحالة التانية، رح ييجي كنترول الباص ويحكيلك: قووووم، طبعا انتا رح تقوم زي الارنب، لإنك زلمة.


لا تتوقع انك تركب باص مو حاطط شريط لأبو وديع، لإنو أبو وديييع حبيب الديييونجية، وزي ما انتو عارفين، فالديونجية هي أحد أهم الشروط الواجب توافرها في سايق الباص، وتحية لوزارة الباصات، وبما انو عم نحكي عن الاغاني فخليني اجيب سيرة المسكين المسخم مصطفى كامل.. هاد المتعوس كان بدو يصير مغني راح نزل اغنية حلوة اسمها “رحلة عمري”، هوه للأسف ما كان عارف انو هاي الاغنية رح تنتشر في رغدان والعبدلي ومجمع الزرقا القديم، هوه يا جماعة ما كان قصده يصير مغني الدواوين والمجمعات.. مسكين.


لا تحاول أبدا أبداً إنك تعاكس أي بنت بتركب الباص، لإنو يا ابني، كل اللي في الباص رح يصيروا ولاد عمها واخوانها وانتا يعني مش وجه بهدلة، أما الأخ السايق هوه نفسه أبو عصاية، رح ينزل من الباص و …. (حُذِفَ لأسباب تتعلق بالجودة).


اذا كنت بتستنى الباص عند نفق الجامعة وشفت الباص جاي من بعيد والكنترول مطلع راسه من الباب وبحكي (بسرعة بسرعة)، بنصحك لا تركب معه، لإنو رح يمسكك من بلوزتك ويرميك في الباص، وأول ما تحط رِجل وحدة جوا الباص، الأخ السايق هوه نفسه رح يدعس بنزين عالآخر، وانتا يا رح توقع من الباص وتتكسر، يا رح توقع جوا الباص بحضن ابو شفرة
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المدير العام
Admin
avatar

المساهمات : 178
تاريخ التسجيل : 24/06/2008
العمر : 33

مُساهمةموضوع: رد: نصائح عند ركوب باص مواصلات   السبت أغسطس 23, 2008 5:45 am

والله موضوعك رائع و غير مسبوق
بس داخلة على الحامي
جهود طيبة والله يجزيكي الخير

_________________
لا اله الا انت سبحانك اني كنت من الظالمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://adrstation.ibda3.org
Njoud
عضو نشيط
avatar

المساهمات : 35
تاريخ التسجيل : 18/08/2008

مُساهمةموضوع: رد: نصائح عند ركوب باص مواصلات   السبت أغسطس 23, 2008 6:41 am

هههههههههههههههههههههههههههههههههههههههههه
اكييييييييييييييييييييييييييييييييييييييييييييييييييييييييييد
والمنتدى بيستاهل كل خير
رح تشوفي الك يعجبك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عابر سبيل
عضو ساطع
avatar

المساهمات : 643
تاريخ التسجيل : 05/08/2008

مُساهمةموضوع: رد: نصائح عند ركوب باص مواصلات   السبت أغسطس 23, 2008 6:46 am

ههههههههههههههههههههههه

حلوة هاي النصايح

بس انتي ما خليتي خيارات الا نهايتها مؤلمة Basketball

أشكرك على الموضوع الرايق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Njoud
عضو نشيط
avatar

المساهمات : 35
تاريخ التسجيل : 18/08/2008

مُساهمةموضوع: رد: نصائح عند ركوب باص مواصلات   الإثنين أغسطس 25, 2008 4:24 am

رايق وفايق والعالم طاقق
ههههههههههههههههههههه

معاناه المواصلات عشان تحسوا فينا ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عابر سبيل
عضو ساطع
avatar

المساهمات : 643
تاريخ التسجيل : 05/08/2008

مُساهمةموضوع: رد: نصائح عند ركوب باص مواصلات   الإثنين أغسطس 25, 2008 6:21 am

Njoud كتب:
رايق وفايق والعالم طاقق
ههههههههههههههههههههه

معاناه المواصلات عشان تحسوا فينا ههههههههههههههه



الله يعين الناس

قضية المواصلات صعبة ومشاكلها ما بتنحل ..

بس مين حكا إنا ما بنحس فيكم ؟!!




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح عند ركوب باص مواصلات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى محطة معرفة أدر :: النقاش العام :: مواضيع عامة-
انتقل الى: